السر في التخبيط والتوهان إللي إنت فيه !!!!!!

السر في التخبيط والتوهان إللي إنت فيه !!!!!!

  • الثلاثاء ٢٨ أبريل ٢٠٢٠ - ١٢:٣٨ ص
  • 150

السر في كلمه واحده هي " الوعي "

إني أكون واعي بكل فعل انا باخده

أنتوني روبنز في كتاب أيقظ قواك الخفية بيقول أن السر في إدراك القرارات إللي باخدها كل لحظة !!

زي قرار إنك قرأت المقاله دي مثلآ !!! أو قرار إنك وانت قاعد بتذاكر ييجي في دماغك إنك تفتح الفيس فتقرر إنك تفتح الفيس وتسيب المذاكره

الوعي والإدراك في فعل إنت بتعمله و ده بييجي لما تكون أهدافك واضحه وعندك خطه إنت ماشي عليها 

خلي بالك من كل قرار إنت بتاخده في يومك وهو السبب يا إما في فشلك أو في نجاحك

وزي ما كريم إسماعيل بيقول إتعلم تقول لأ لكل حاجه بتيجي في طريقك ملهاش أي قيمه ، خلي بالك من المغريات و افتكر دايمآ أن " الملتفت لا يصل " و اللي بينشغل عن هدفه بيتوووه 

  • ركز على هدفك 

إذآ دي البدايه إنك تحدد أهدافك و تركز إنت بالظبط عاوز إيه ومتقولش هو أنا لسه هبدأ دلوقت ! العمر جري مني مش هقدر !! لو حضرتك بتقول على نفسك العمر جري منك 

أحب اقولك إن :

مؤسس Whatsapp بدأ مشروعه وهو عنده 35 سنه 

مؤسس McDonald's بدأ مشروعه وهو عنده 52 سنه 

مؤسس Intel بدأ مشروعه وهو عنده 41 سنه 

مؤسس Wikipidia بدأ مشروعه وهو عنده 35 سنه 

مؤسس Coca cola بدأ مشروعه وهو عنده 55 سنه 

مؤسس KFC بدأ مشروعه وهو عنده 65 سنه

علي بن حمزه الكسائي إمام القراءات و اللغه العربيه و مؤسس مدرستها في الكوفه بدا طلب العلم وهو في ال 41 من عمره 

عبد الرحمن بن الجوزي علاَمة زمانه و إمام الأئمة بدأ يتعلم علم القراءات وهو يناهز ال 70 من عمره وكان صاحبه في طلب العلم إبنه يوسف 

عبدالله بن أحمد بن عبدالله المروزي المعروف بالقَفال كان في إبتداء أمره يصنع الأقفال فلما أتى عليه 30 سنة إشتغل بالعلم 

أصبغ بن الفرج المصري مفتي الديار المصرية في زمانه وإمام المالكيه أدرك مالك ومع ذلك لم يسمع منه أنه طلب العلم إلا وهو إبن ال 30 سنة 

خالد الأزهري النحوي المعروف طلب العلم وهو إبن ال 36 من عمره وفاق أهل زمانه 

وغيرهم عشراااات .. والعجز عجز العقل و الإراده لا العمر والجسد .........

ثانيآ بقى

  • لازم تحط خطة لتحقيق أهدافك دي 

طب إيه رأيك تجرب ....

أولآ لازم الخطة تكون محددة بزمن معين سنة او 6 شهور أو 3 شهور حسب ما إنت عاوز وحسب الأهداف اللي إنت محددها واللي هتحسبلها حساب منطقي هي ممكن تتحقق خلال وقت قد إيه 

ثانيآ فيه بنود مهمة لازم تحطها في خطتك وفي البداية كمان وهي : 

الجانب الإيماني و علاقتك بربنا ومن وجهة نظري دا أهم جانب لازم تصلحه 

الجانب العلمي أو الدراسي 

الجانب الإجتماعي وعلاقتك بالناس 

الجانب الأخلاقي والسلوكي 

طيب ظبطنا كل الجوانب دي بعد كدا بقى لازم تكون الخطة مكتوبة وكل فترة تبص فيها عشان متنساش أهدافك وكمان في آخر كل مدة إنت حددتها تشوف إنت حققت أهدافك بنسبة كام ف المائة 

إذا تخطيت نسبة ال 50% تبقى دي بداية كويسه تقدر تبني عليها ولازم وقتها تكافيء نفسك 

طيب إذا كانت النسبة أقل جرب تاني وراجع خطواتك وحاول تصلح أخطائك واوع اوع تيأس شيل اليأس من قاموسك ،  النجاح عاوز الإنسان اللحوح يعني تقول للنجاح أنا قاعد أهو على بابك ومش متحرك 

إلا لما أدخل ، خليك عنييييييد جدااااا في تحقيق أهدافك 

طيب الخطط اللي حطناها دي هنسيبها كدا حطينها وبنتفرج عليها لأ طبعآ ندخل بقى في المرحلة اللي بعد كدا وهي مرحلة 

" السعي "  لتنفيذ خطط الوصول لأهدافك 

والسعي هو المحاولة والبحث

إعرف إنه مفيش حاجة بتيجي حظ لازم تبذل مجهود وتخبط على كل الأبواب وتعدي بكل المراحل مره نجاح ومره فشل واعرف كمان انه مش مره واحده فشل لأ دا مرات الفشل هتكون أكتر كمان من النجاح

عشان تخرَج أفضل ما فيك وتتعلم أكتر فتوصل للنجاح الكبير والدائم بإذن الله 

وخلي بالك إنه إنت ممكن تكون ذكي الذكاء مهم جداااا وهيختصرلك طرق كتير وهيوصلك أسرع  بس متعتمدش فقط على ذكائك لأنه لو ركنت عليه بدون سعي ومجهود في اوقات ممكن يضيعك 

نتيجة السعي هو أنه مرة واحدة تلاقي ربنا فتح عليك في كل حاجة 

إسأل أي حد من اللي ربنا فتح عليهم هيحكيلك عن الخطوات دي ، هيحكيلك قصص وحكايات وتجارب وتعب ومجهود كتييير جداااا ولو قريب منك الشخص دا ممكن تلاقي نفسك متعرفش عنه كتير من 

المراحل دي اللي مر بيها 

الكلام دا والله عن تجارب في حياتي وحياة ناس أعرفها 

ربنا سبحانه وتعالى قال " وأن ليس للإنسان إلا ماسعى "

أخيرآ بقى كل دا غلَفه وجمَله ب التوكل على الله والثقة فيه سبحانه وتعالى ثم الثقة في نفسك وأنه عمره ما هيضيعك أبدااااا ولا هيضيع تعبك ومجهودك  " فإنك بأعيننا " دا وعده لينا .

أترككم في رعاية الله ......

Dr. : O. R